Kako za naš portal kaže načelnik Službe zaštite i spašavanja Nikšić, Veselin Gardašević, tročlana ekipa vatrogasaca sinoć je oko 21h zasutavila požar praktično na kućnom pragu Radovana Perovića u Smrduši.
„Vatra je uhvatila ogradu kuće i malo je nedostajalo da se prenese na objekat. Naša ekipa je uspjela da stigne na vrijeme i ugasi požar. Nakon toga, oko 23h, mještani Šuma su prijavili da s e požar približava kućama Vujačića nakon čega je opet uspješno interevenisala naša ekipa“, kaže Garadšević.
Danas je relativno bilo mirno, a ekipa nikšićkih vatrogasaca gasila je požar u rejonu Lukova.
„Tu je gorjela jedna velika livada, ali smo uspjeli da presjčemo širenje požara koji je napredovao u pravcu Vučja. Danas je mnogo mirnije nego proteklih dana kada smo imali oko 100 požara na području opštine“, kaže Gardašević zaključujući da su trenutno svi požari pod kontrolom.
