Nikšićani su pružili odličnu partiju u Sarajevu koju su začinili sa 17 trojki, na šta domaći igrači nisu imali adekvatan odgovor, a trener Sutjeske Zoran Glomazić je kazao da je timski duh donio pobjedu njegovoj ekipi.
„Čestitam mojim igračima na večerašnjoj pobjedi i našem najboljem izdanju do sada. Želim da se zahvalim ekipi Sparsa na korektnoj igri. Zaista mislim da smo večeras odigrali jednu dobru utakmicu, šut za tri poena izvanredan. Imali smo problema sa skokom u prvom poluvremenu, međutim u drugom poluvremenu smo se dogovorili da takvih grešaka više ne bude. Kada smo zaustavili to, onda smo priveli utakmicu kraju onako kako smo željeli. Ne bih nikoga posebno izdvajao, večeras smo svi timski dobili utakmicu“, istakao je Glomazić.
Sutjeska naredni meč u regionalnom takmičenju igra 31. oktobra na svom parketu protiv ekipe MZT Skopje.
