U 66. minutu "plavo-bijeli" su golom Milutina Osmajića poveli. Vuković je dobio dobru loptu na desnu stranu od Adrovića, uputio centaršut, a Milutin Osmajić postigao svoj drugi gol u sezoni.
Drugi gol za Nikšićane stigao je brzo nakon što je Božo Marković ušao u igru. Marković je dao dugu loptu za Ćetkovića na lijevu stranu i nastavio kretanje u šesnaesterac. Ćetković ga je odlično pronašao, a najbolji strijelac naše ekipe rutinski poslao loptu iza nemoćnog Helića.
Dobra predstava gledana je kraj Bistrice, dobra igra Sutjeske, sa dosta šansi, što bi moglo nagovijestiti da se momci Dragana Radojičića vraćaju u vrh.
Sutjeska je ostvarila treću pobjedu u sedam kola i trenutno je na diobi 3. mjesta sa Jezerom.
