“Plavi” su činilo se ušli u meč sa namjerom da uzmu sva tri boda pod Malim brdom i u prvih 45 minuta su imali inicijativu na terenu. U tom dijelu igre stvoreno je i par poluprilika, ali su mreže ostale netaknute.
Domaćin je u drugom dijelu bio agresivniji i uspio je jednu svoju šansu pretvoriti u gol, što je bilo dovoljno da uzme tri vrijedna boda.
“Odigrali smo jedan tvrd meč u kojem nije bilo puno šansi, a mi smo imali svojih nekoliko prilika koje nažalost nismo iskoristili. Protivnik je sa druge strane uspio iskoristiti našu nepažnju kod te jedne prilike i postići gol koji mu je na kraju donio pobjedu. Nadam se da je ovaj rezultat samo odraz loše sreće jer igra nije bila loša i očekujem da već u narednom kolu protiv Rudara zadovoljniji napustimo teren”, kazao je prvotimac “plavih” Dragan Grivić za naš portal.
Sutjeska nakon 12 odigranih kola ima 19 bodova i zauzima četvrtu poziciju, a u narednom koje je na programu 27. oktobra, na svom terenu dočekuje ekipu Rudara.
