Sedma pozicija na Svjetskom prvenstvu znači da ćemo u grupi u kvalifikacijama za Olimpijske igrati sa poraženim iz duela Holandija – Njemačka (13 časova) i selekcijama Slovenije i Paragvaja, 11. i 29. ekipama turnira.
Crna Gora je izvanredno otvorila meč, pa je nakon osam minuta igre imala pet golova prednosti 5:1. Potom smo propustili nekoliko napada za plus šest, što je Češka iskoristila i serijom 5:0 izjednačila 7:7.
Post dug deset minuta u napadu, prekinula je Grbić i vratila vođstvo.
Uslijedila je igra gol za gol, da bi finiš prvog dijela pripao "lavicama".
Despotović i Godeč iz sedmerca pogodile su u trenucima kada smo imali igračicu manje , pa je naša selekcija nakon 30 minuta igre imala četiri gola prednosti 14:10.
Odlično smo započeli i nastavak,pa je Bulatović nakon kontranapada donijela šest golova viška 17:11.
Češka je potom u nekoliko navrata prišla na minus četiri, ali smo uvijek imali spreman odgovor.
Grbić je sa dva gola u nizu vratila "lavicama" šest golova 26:20, na pet minuta prije kraja i stavila tačku na meč.
Itana Grbić je ujedno bila i najefikasnija sa sedam golova, Nina Bulatović je dala pet, Tatjana Brnović četiri. Marina Rajčić je upisala 12 odbrana.
