U meču 9. kola Prve crnogorske košarkaške lige, Sutjeska je napravila seriju 10:0 u drugoj četvrtini i povela 34:28, a poslije nove serije od devet poena bilo je plus devet - 47:38.
Imala je Sutjeska 10 poena prednosti u nastavku (57:47 i 59:49), ali je Primorje napravilo 11:0 i preokrenulo - 64:61.
Gosti su u posljednjem periodu imali pet poena prednosti (72:67) i uglavnom vodili, s onda je na ulasku u posljednji minut bilo neriješeno - 87:87.
Potom je Primorje pogodilo jedno slobodno bacanje (88:87), a Kris Martin pogodio za dva i dodatno slobodno bacanje - 90:88.
Nakon toga su gosti pogodili još jedno slobodno bacanje, a Martin i Andrej Vulević potvrdili pobjedu.
Najefikasniji je bio Tadija Tadić sa 19 poena, uz sedam skokova i pet asistencija.
Filip Barović je ubacio 15, uz 13 skokova, Kris Martin 14, a Andrija Vučurović 11 poena.
