Radionica će biti podijeljena na tri tematske cjeline, i to: “Zašto fizika?”, koju će učenicima približiti Olga Đukić, “Astrofizika za početnike”, koju će voditi Milena Đukić, i “Kap vode u Petnici”, Maja Stošić. Nakon zanimljivih predavanja uslijediće ogledi iz fizike.
Događaj je zamišljen kao predstavljanje primjera iz regiona, budući da su se upravo radionice, predavanja i festivali nauke pokazali kao najbolji način za promociju ove oblasti učenicima.
S obzirom na temu, ciljna grupa ovih radionica su stariji osnovci i srednjoškolci, kao i njihovi profesori. Predavanja i radionice nijesu zahtjevne, zanimljive su i ne traže posebno predznanje iz fizike.
Radionice će se održati kroz Power Point prezentacije, a u sklopu mini festivala nauke će se pokazivati razni ogledi iz fizike.
Održaće se u multimedijalnoj sali sa početkom u 11 časova.
