Prema rezultatima glasanja u akciji „Izaberi ime, ispiši istoriju“, Delibašić se našao među pet igrača čija će imena krasiti terene u SC Teleoptik, zajedno sa Sašom Ilićem, Draganom Manceom, Stjepanom Bobekom i Milanom Galićem.
Iako je najveći broj glasova dobio Saša Ilić, u prvih pet našao se i Delibašić, čime je potvrđeno koliko je cijenjen među pristalicama Partizana.
Na klupskom sajtu istaknuto je da su upravo ovi igrači, uključujući Delibašića, ostavili neizbrisiv trag zahvaljujući svom talentu, energiji i odnosu prema crno-bijelom dresu. Uz njih, visoko su se kotirali i Mateja Kežman, Miloš Milutinović, Milutin Šoškić, po kome jedan teren u Humskoj već ima naziv, kao i Marko Valok.
Partizan je prošlog mjeseca donio odluku da glavni teren na Teleoptiku nosi ime po još jednoj ikoni kluba, Momčilu Vukotiću.
